¡GRACIES A TOLA XENTE QUE FIXISTIS POSIBLE’L XI DÍA DE LA RECIELLA!

Ayeri tuviemos un Día de la Reciella pasáu por agua, ¡moyámonos abondo!, pero pasámoslo en grande, porque hasta col clima en contra les coses salen alantre porque hai muncha xente que trabaya, con muncha ayuda y compromisu, tamién de xente de fuera que collabora, pa facer un día guapu col asturianu y les families como protagonistes.

Gracies a tol mundu que trabayó ayeri y les selmanes anteriores, de dientro de Reciella y, especialmente, a toles persones, entidaes, asociaciones, instituciones, clubes, artistes, empreses.. qu’echaron un gabitu pa podamos siguir faciendo esti día tan guapu dende 2013.

Déxamosvos con una semeya que fixo Pablo Quiroga pa Vertigu y nos comentarios ponemosvos un enllaz a la galería completa.